吴君如深夜发的长文—— 寻晚金像奖比我好大嘅感触！

　　吴君如深夜发的长文——

　　寻晚金像奖比我好大嘅感触！

　　25年前陈可辛以甜蜜蜜横扫九个金像奖，我嘅四面夏娃输咗最佳女主角。但係无论赢嘅、颁奖嘅、台前幕后嘅工作人员、同埋输嘅，都一齐逼几架旅游巴士由文化中心去丽晶酒店庆功。

　　有一个画面我历历在目，就係陈可辛拎住几个金像奖，带住佢爸爸妈妈逼喺架巴士度，佢哋仲无位坐！大家对电影真係好热血。

　　时间一跳就25年！

　　寻日下午，金像奖前嘅4个钟头，陈可辛喺屋企行来行去，忐忑不安，吟吟沉沉，因为佢喺金像奖有一个好重要嘅任务，佢喺度唸紧台词。

　　我仲同佢讲，你一定要唸熟佢，唸一百次，唸一千次，因为你只有一次机会去表达你嘅心情，跟住佢发我老忟话：“呢啲係我心里面嘅说话，我点会唔记得！”结果咪真係唔记得。因为呢件事令佢太沉重。我好了解。所以我即刻shut up。

　　结果五个钟头后我收到佢嘅message 话：I fucked up!! 我一早话架啦。

　　佢寻晚负责向所有离开咗嘅电影人致敬。里面包括我哋嘅前辈，好多係同我合作无间嘅伙伴同埋朋友。好多人嘅名从来未出现过係金像奖，今次係唯一一次兼最后一次。包括陈可辛最爱嘅爸爸陈铜民，我亲爱的uncle ，我个女陈是知嘅爷爷。And I love and miss you all????多谢你哋留低俾我哋嘅回忆同埋智慧。