TVB“御用弟弟”北上拍剧不怕惹绯闻：获老婆财力支援放心离巢

　　

　　黄嘉乐北上拍剧唔怕惹绯闻：做劣质艺人冇得捞 获老婆财力支援放心离巢

　　去年11月，44岁的TVB「亲生仔」黄嘉乐，突然于社交网宣布与TVB结束21年宾主关系，原来连「铁马家族」老友马国明、林子善、唐诗咏及郑嘉颖都唔知，时至今日他才「耍冧」解释原因：「系有心隐瞒『铁马家族』，唔想解释咁多，更加唔想决定被动摇，畀我接受人生最重要慨挑战啦，否则我会后悔?！」

　　

　　采访：方骞平 摄影：朱伟彦 场地：The Stadium

　　

　　黄嘉乐于去年11月初，拍毕新剧《本尊就位》已功成身退，只系未即时公告回复自由身，「TVB对我好好，咁多年有好多得着，就算知我唔再续约都畀个重要角色我做，即使离开咗仲好有归属感。」他自爆仲未交还职员证、清空公司locker及交出锁匙：「渠哋都冇催我，可能觉得我会随时返去！」

　　

　　结婚成离巢最强动力在TVB工作21年，被封「御用细佬」的黄嘉乐去年终于如愿，在新剧《法言人》中拍住马国明、林夏薇和张頴康等成为主角之一，令他如释重负，加上8月跟拍拖5年的江惠贤（Samantha）结婚，成为离巢最强动力。

　　

　　他说：「人生系需要一个转变，趁住外表仲后生咪出去试吓，每个人都钟意安逸，但再拖落去就唔会有改变，去年喺疫情兼打风下圆婚，仍获好多亲友祝福，深深体会到原来冇嘢系做唔到慨。」

　　

　　太太唔惊老公搞搞震黄嘉乐承认，成家立室后压力重咗，想搵多啲钱，又想跳出舒适圈试多啲新嘢，包括重返电影圈及出外登台。

　　

　　咁啱约满时间食正中港两地通关好时机，故农历年后率先北上拍古装剧，离开新婚太太3个月，他向Samantha承诺唔会打烂斋砵闹绯闻，「唔使担心喎，都成年人啦，咁耐以嚟我纪录良好，而且唔想成为劣质艺人影响发展。」镜头外的跟得老婆就忍唔住插嘴：「哈！我未惊过，就算个女仔身材有几好，对渠都冇用慨。」

　　

　　至于系咪赚到1年TVB人工？他即笑住避谈：「唔讲呢啲，最重要系有嘢做。」

　　

　　秘密离巢行动怕动摇嘉乐感动表示，无论财力还是精神上，老婆都会全力back up：「我做咗21年未试过转工，喺人生交叉点难免有啲忧虑，最担心系收入问题，所以好白咁问太太：『离开公司收入冇咁稳定，你惊唔惊呀？』渠二话不说就力撑话『惊乜啫？惊就两份！』就系咁就落实喇……」

　　

　　

　　黄太是摄影公司老板，嘉乐笑指太太有啲钱可以养活到自己，他自给自足冇咁大压力，「虽然风险有啲高，但愈危愈有机，希望有高风险回报。」

　　

　　对于突然离巢，嘉乐承认系秘密行动，完全冇跟「铁马家族」商量。

　　

　　他说：「我估渠哋会担心我外闯唔安全，未必会赞成，会系咁问『点解？』我唔想解释咁多，亦唔希望雄心壮志被打沉，趁有胆就去试，试咗唔会后悔。」

　　

　　在TVB期间，除咗识到一班好兄弟，2006年剃头拍《汇通天下》时堕马也相当难忘，好彩只系轻伤。