刘佩玥唔使拍强奸画面 唐诗咏诈型：点解我要真拍？

　　原标题：刘佩玥唔使拍强奸画面 唐诗咏诈型：点解我要真拍？

　　TVB热播剧《隐形战队》14日播出大结局，一班演员昨晚齐集酒家进行饭局及收看结局篇，刘佩玥及唐诗咏一起接受访问，对于在剧中刘佩玥及唐诗咏分别被强奸及被雪藏，当中交代刘佩玥被强奸的场面，是见她被毛巾塞口，然后镜头转向阮浩棕拉裤链，有网民称为“零秒强奸”。刘佩玥说：“觉得拍呢类题材，最紧要系同编剧、监制沟通，我未收到剧本之前，已知道有呢一场戏，我唔系好担心，只系谂点去演点表达情绪。拍前我喺屋企试吓一路想像一路喊，后来同监制讲，我有喺屋企试呢场戏嘅情绪，点知监制同我讲：‘你放心啦！我一秒都唔会拍！’觉得部剧表达到个内容就可以，唔需要我本人经历呢啲嘢，唔想令我唔舒服。（观众担心你拍咗呢场戏，但最后被删？）唔系（删戏），冇拍到，大家唔需要担心。”刘佩玥说想不到《隐》剧大受老中青观众欢迎：“我估唔到连小朋友都睇，有个妈咪同我讲，话好在我冇拍到嗰啲画面。”

　　问到会否白费了之前在家练戏的心机时，在旁的唐诗咏闻言即笑说：“吓？点解你唔使真拍，我又要真拍？我当日真系瞓喺雪车入面，温度系零下，可能导演惊我感觉唔到嗰个冻，要我真做。（你系咪之前冇同监制讲过你有经历感受过？）可能我真系冇同监制讲声，不过都可以再拍得尽啲，有啲位唔够尽，可以再变态啲。（点变态啲？）可以血腥啲，其实呢类戏以往都拍得好尽，如果拍得太收埋，观众可能会觉得争啲嘢咁，就好似刘佩玥嗰场咁。”

　　责任编辑：