“慕容复”越老越型，张国强KK新剧好评如潮！存货多多，不愧为最抢手嘅“黄金绿叶”

　　相信好多人都会喺剧集中

　　见到一啲好熟面口嘅演员，

　　虽然未必嗌得出名，

　　就算戏中镜头唔多，

　　仍然能用精湛演技

　　成为整场戏亮点，

　　给观众留下深刻印象。

　　

　　喺TVB，呢啲甘做配角嘅戏骨

　　被称为“甘草”或“绿叶”演员，

　　而张国强KK就係其中一位

　　深受大家喜爱嘅“黄金绿叶”。

　　

　　近日，有观众就喺内地网剧

　　《东北插班生》里

　　惊喜地发现咗佢嘅身影。

　　

　　讲起《东北插班生》

　　呢部中二校园喜剧，

　　虽然系低成本制作，

　　但呈现效果绝对高水平！

　　

　　其实《东北插班生》

　　原本係2017年上映嘅

　　一部网络大电影，

　　由于剧情够中二、够搞笑，

　　点击量同口碑都颇高。

　　后来趁热打铁推出第二部网大，

　　可惜因为拍摄仓促，口碑插水。

　　

　　五年后，《东北插班生》

　　又改编成网剧播出，

　　大家都以为佢斋炒冷饭，

　　加上演员唔多出名，

　　（友情出演嘅KK已经最有流量）

　　主角仲要大龄“扮嫩”演高中生，

　　睇落已经雷点多多。

　　

　　好在剧方吸取前车之鉴，

　　在剧本和细节上落足心机打磨，

　　硬係将大家用烂嗮嘅

　　地域差异梗、方言梗玩出花臣，

　　剧情比之前更搞笑、无厘头，

　　竟然好评如潮、喜提热搜，

　　豆瓣评分高达7.7。

　　

　　其中KK扮演嘅郑老师，

　　一身朴素长褂+细框眼镜，

　　拿起折扇醉心研究学问，

　　站上讲台教书育人，

　　完美塑造出大家心目中嘅

　　“儒雅先生”形象。

　　

　　佢嘅戏份真系唔多，

　　却为全片增色不小。

　　

　　入行超过40年嘅佢，

　　初初担任过儿童节目

　　《430穿梭机》

　　第一代节目主持。

　　

　　早年曾在几套香港电影中

　　担任男主角，

　　也先后为无线和亚视拍剧。

　　不过KK令各位港剧迷

　　最为印象深刻嘅角色

　　应该係96版《天龙八部》中，

　　饰演嘅奸狠"慕容复"

　　至今仍被观众奉为经典。

　　

　　08年kk重返无线拍剧，

　　又在多部大热剧集中

　　出演重要配角，

　　好似《潜行狙击》嘅莫一烈

　　《宫心计》嘅万将军等，

　　无论忠角奸角都能应付自如。

　　

　　你係米睇唔出

　　今年佢已经年过花甲

　　一直被观众盛赞越老越型。

　　

　　如今佢依然活跃在影视圈，

　　好似今年播出嘅

　　《铁拳英雄》《回归》

　　都可以见到佢嘅演出。

　　

　　啱开播冇耐嘅

　　台庆剧《美丽战场》，

　　KK都客串咗个导演，

　　仲cos咗王家卫嘅墨镜look。

　　

　　待播嘅则有《超能使者》

　　《法证先锋5》《法言人》

　　《无间一战》等众多作品，

　　存货简直仲多过当红小生啵

　　

　　

　　

　　唔知佢边个角色

　　令你印象最深刻？

　　

　　资料来源：综艺截图、微博

　　网络信息综合整理

　　编辑：陈祉伶

　　审核：曾敏妍

　　签发：骆苹

　　*文中图片版权归原作者所有，

　　如涉及侵权请联系，立即删除